Friday February 22, 2019
 
Take Charge
 


حاسس حالك ضايع! دايماً بتسأل حالك أنا شو بدي، لوين رايح؟! شايف أحلامك عم بتمر من قدامك! اذاعندك أهداف ومش عارف تحققها! مش مرتاح بمكانك! ثقتك بنفسك مهزوزة! مش عارف تعبر عن حالك! مش عارف تلاقي السعادة أو راحة البال!

اجا الوقت اللي تسيطر في على حياتك! "سيطر على حياتك" هو حدث ضخم رح يجمعك مع أربعة مدربين حياة متخصصين، عاشوا معظم التجارب اللي انت عم تمر فيها اليوم!

من خلال هاي التجربة الجديدة بعالم تطوير الذات، رح نساعدك تطلع كل الطاقة اللي جواتك ونعلمك كيف تستغلها، رح نورجيك كيف تكسر حواجز الخوف والقلق، كيف تخلي ثقتك بنفسك عالية جدا، كيف تتعامل مع كل حدا حوليك بكل أريحية، كيف يكون عندك وقت أكتر للأمور اللي انت بتحبها، كيف يكون عندك حرية شخصية، كيف تبني لحالك أهداف وتبدى تحققها!

هدفنا نعلمك استراتيجيات وتقنيات تساعدك تعيش تجربة التغيير لحظة بلحظة.
وعدنا الك، انه حياتك ما رح تكون نفسها بعد هاي التجربة! من بعد هاي التجربة رح تعيش حياة جديدة كلياً، حياة بشروطك انت! وأهم شيء ترجع السعادة والشغف على حياتك وتحب الحياة من أول وجديد.

اشحن طاقتك
تخيل حياتك تكون مليانة بالنشاط والحيوية، تخيل تصحى الصبح مبسوط ومتحمس على يومك، و تلغي الخمول من حياتك تماماً.
صلاح عميرة رح يعلمك كيف تشحن طاقتك بأي وقت وبأي لحظة, كيف تتحكم بحالتك النفسية ومشاعرك، كيف تسيطر على نوبات التوتر والغضب، وكيف تعيش يومك بهدوء وسكينة من دون أي انفعالات.

اكتشف ذاتك
كلنا بفترة أو تانية حسينا حالنا ضايعين!
بس ورا كل الأغطية، ورا كل الوجوه اللي منلبسها، ورا كل الأفكار النحددة... في حرية!
تعرف على نفسك من جديد، اعرف انت شو بتحب، شو شغفك، شو اللي بحركك! سارة أبيقوة رح تكون معك برحلة اكتشاف الذات لتوصل للحرية وتعيش حقيقتك كل يوم.

اكسر الخوف
هيلنا الصايغ رح تاخدك رحلة بعالمك الداخلي، وتورجيك كل المعيقات اللي عم بترجعك لورا، وتعلمك كيف تواجه وتكسر حاجز الخوف والقلق، تتخطى كل الصعوبات، تنهي أي تصرف ما عم بخدمك، وتورجيك كيف تتخلص من التفكيز الزائد،و تبدى تتحكم بأفكارك لتوصل للشخصية المتزنة.

عبر عن نفسك
ضاعف ثقتك بنفسك و تعلم حب الذات، عشان تعرف أسرار التعامل مع أي شخص بحياتك بطلاقة وبدون أي حدود، بدون ما أي شيء يوقف بطريقك، بدون ما تخلي أي معيق يخطر ببالك.
إيهاب الحمارنة رح يعلمك كبف تعبر عن نفسك، كيف تصمم حياتك على طريقتك، كيف تكون نفسك بدوت أي أقنعة!

اصنع مستقبلك
ابتكر عالم من صنعك انت، خطط لمستقبلك من اليوم، حدد لوين بدك توصل، شو بتحتاج، وكبف تحصل على كل الموارد اللي رح تفتحلك الطريق، عيش حياة مليانة بالراحة والتوازن، وحول الأحلام الى واقع مع ورشة عمل الأهداف مع صلاح وسارة.


الحدث مليان بالنشاطات، جلسات التأمل، التمارين الرياضية والفعاليات المختلفة اللي هدفها تعمل نتائج بشكل مباشر وبأسرع الطرق، وتخليك مستمتع بأجواء ملهمة وحماسية.

فندق الكراون بلازا عمان
22.2.2019

التذاكر:
• درجة أ: 120 دينار
• درجة ب: 85 دينار (اشتري تذكرة واحصل على 50% خصم على التذكرة الثانية)
• درجة الطلاب: 65 دينار (اشتري تذكرة واحصل على 30% خصم على التذكرة الثانية)
عرض الخصم صالح حتى نهاية عام 2018

التذكرة تشمل:
• مادة الدورة
• مشروبات ساخنة طيلة اليوم
• سناك صباحي
• وجبة بوفيه الغداء
• سناك مسائي

التذاكر على موقع سجلني
لمزيد من المعلومات: 0798072929